Ríkisákærin í New York avhoyrir Trump í dag

Eftir at tað er útsett fleiri ferðir, skal fyrrverandi amerikanski forsetin, Donald Trump, avhoyrast í dag, skrivar New York Times.

Tað er skrivstovan hjá ríkisákæraranum í New York, sum skal avhoyra hann í sambandi við kanningina av handilsskapi hansara.

Kanningin var sett í verk í 2019.

Trump er undir illgruna fyri at hava yvirmett ognarvirðini í "Trump Organization" í sambandi við lániumsóknir í bankum, og/ ella at hava uppgivið ognarvirði í sambandi skattagjalding.

Heksajakt

Samstundis hevur Donald Trump í áravís verið kendur fyri at yvirmeta egið ríkidømi.

- Eg síggi betri út, um eg eri verdur 10 milliardir enn 4 milliardir, segði Trump við amerikanska búskapartíðarritið, Forbes, tá hann fyri nøkrum árum síðani royndi at krúpa sær longur upp eftir milliardingarstiganum hjá sama tíðarriti.

Fyrrverandi forsetin kallar kanningina fyri størstu fólkajagstran í amerikanskari søgu.