Húsarannsókn hjá Trump: Leitaðu eftir skjølum um kjarnorku

12.08.2022 - 10:41
AktueltÚtheimurin
Húsarannsókn hjá Trump: Leitaðu eftir skjølum um kjarnorku
Hetta er fyrstu ferð, at FBI hevur gjørt húsarannsókn hjá einum fyrrverandi forseta
FBI gjørdi húsarannsókn hjá heima við hús Donald Trump, fyrrverandi forseta, mánadagin.
Mynd: Ritzau Scanpix  
 

Amerikanska samveldispolitiið, FBI, leitaði eftir loyniligum skjølum um kjarnorku, tá ið húsarannsókn var gjørd heima hjá fyrrverandi forsetanum, Donald Trump, í Florida mánadagin.

Tað skrivar Washington Post, ið vísir til keldur við innliti í kanningararbeiðið hjá FBI.

Ein eygleiðari, sum Washington Post hevur tosað við, sigur nýggju upplýsingarnar staðfesta, at myndugleikarnir stúra fyri, hvørji skjøl Trump kann hava tikið við sær úr Hvítu Húsunum, tá ið hann fór frá sum forseti.

 

Nógv skjøl

Hetta er fyrstu ferð yvirhøvur, at FBI hevur gjørt húsarannrsókn hjá einum fyrrverandi forseta, og tað hevur elvt til politiskan ófrið.

Ikki er greitt, hvussu umfevnandi kanningarnar hjá samveldispolitinum eru, men fleiri amerikanskir miðlar siga málið snúgva seg um heilt nógv skjøl, Trump skuldi havt latið frá sær, tá ið hann fór frá, men sum hann í staðin tók við sær til hús.

Longu í juni mánaði visti New York Times at siga, at FBI hevði stevnt Trump eftir skjølunum.

Í februar váttaði amerikanska tjóðskjalasavnið, at tað hevði fingið 15 eskjur við skjølum frá Trump.
 

Er kopiera
Nýggjastu sendingar í ÚV
Mánadag 26. september
Við Tórði á túri at reka í Lítlu Dímun
145338
Mánadag 26. september
Norðurljóð 26.september 2022
144480
Mánadag 26. september
Eitt deiligt punktum
145314
Mánadag 26. september
Mono - Dávidssálmar (3:5)
145305
Nýggjastu sendingar í SV
Sunnudag 25. september
Sangmøti í Ebenezer.
145276
Sunnudag 25. september
Andakt við Palla Petersen
145275
Mánadag 19. september
3-2
145026
Sunnudag 18. september
Andakt við Karinu Magnussen
144956
Sunnudag 18. september
Møti úr Berøa
144955