Seks feløg fáa 1800 tons av makreli til vinnuligar royndir

Seks feløg hava fingið makrel til vinnuligar fiskiroyndir, og tey býta 1800 tons millum sín.

Kósin hevur fingið 500 tons, Tavan 450 tons, TG Seafood 300 tons, Varðin Pelagic 250 tons, og Faroe Marine Products og Glyggur Fishproteins and Bait fingu hálvtannaðhundrað tons í part.

Fiskimálaráðið fekk níggju umsóknir um tilsamans 7.600 tons. 

Í viðgerðini og raðfestingini av umsóknunum er serligur dentur lagdur á menningar- og nýskapanarvirðið í royndunum.

Tvær umsóknir, sum ikki vóru játtaðar, vóru ikki mettar at lúka treytirnar um menningar- og nýskapanarvirði. 

Tann triðja varð mett stuðulsverdug, men kravið um minstu nøgd var ov stórt í mun til tøka kvotu, sigur Fiskimálaráðið.