Fakfeløg: Flytingin av Dátueftirlitinum ikki rætt handfarin

Starvsfólkini hava ikki havt høvi at gera viðmerkingar til málið, áðrenn avgerðin at flyta stovnin var endalig staðfest, siga trý fakfeløg

Ætlanin er at flyta Dátueftirlitið úr Havn inn á eystara arm av Skálafjørðinum.

Mynd: Tinganes.fo

Krista Johnsdóttir Kreutzmann

30.08.2022 - 13:03

Avgerðin um at flyta Dátueftirlitið inn á eystara arm á Skálafjørðinum er ikki rætt handfarin.

Tað hava Akademikarafelagið, Búskapar- og Løgfrøðingafelagið og Starvsfelagið í felag boðað løgmansskrivstovuni frá.

Starvsfólkini hava ikki havt høvi at gera viðmerkingar til ætlanirnar, áðrenn avgerðin var endalig staðfest, stendur í skrivinum til løgmansskrivstovuna.

Bill Justinussen, tingmaður fyri Miðflokkin, váttaði í útvarpstíðindunum 22. august, at staðsetingin av Dátueftirlitinum er úrslit av einum lokalpolitiskum býti.

Elisabeth Rasmussen, Elisabeth F. Rasmussen

Elisabeth F. Rasmussen er forkvinna í BLF.

Men Dátueftirlitið hevur longu verið ígjøgnum fleiri broytingar seinastu tvey árini, og starvsfólkini vilja hava arbeiðsfrið, sigur Elisabeth F. Rasmussen, forkvinna í BLF.

Feløgini hava ikki fingið svar frá løgmansskrivstovuni.

Hoyr innslag í útvarpstíðindunum:

30082022_Datueftirlitid_til_net