19 hval løgdu beinini

19 hval løgdu beinini í grindini, sum varð hildin til í Syðrugøtu fyrrapartin.

Seðlarnir koma út klokkan 15 á kaiini í Norðragøtu.

Politiið fekk boðini um grindina klokkan eitt korter til níggju í morgun.

Talan var um ein bólk við springarum og ein bólk við grindahvalum.

Tað eydnaðist at skilja springararnar burturúr og lata teir fara, og at fáa rakstur á grindina.

Raksturin gekk væl, frætta vit úr Gøtu, og sjálvt drápið tók bara fáar minuttir.