Bretland letur Ukraina vápn og útgerð fyri 20 mia. kr.

Vesturheimurin hevur sent nógvar pengar til Ukraina, síðani russiska innrásin byrjaði. 

Og nú boðar bretski forsætisráðharrin, Liz Truss, frá, at Bretland fer at senda Ukraina vápn og aðra útgerð fyri 19,5 milliardir kr. næsta ár.

Samstundis lovar hon, at hjálpin næsta ár ikki verður minni enn tann, sum Ukraina higartil hevur fingið.

Ríkisleiðarar eru í hesum døgum á fundi í ST í New York, og á fundinum ætlar Liz Truss at virka fyri at fáa heimsins lond at gevast við at keypa gass úr Russlandi.

Í ár hevur Bretland latið Ukraina næstmest í hjálp. Bara USA hevur latið meira, meira enn 100 milliardir kr.