Oljureinsiverk í Russlandi í ljósum loga

Ilsky-oljureinsiverkið í Krasnodar-økinum í Suðurrusslandi stendur ljósum loga eftir ukrainsk dronuálop í nátt.

Ukraina hevur fleiri ferðir lopið á Ilsky-reinsiverkið við dronum.

Oljureinsiverkið reinsar til útflutning, og framleiðsluorkan er árliga 6,6 milliónir tons av olju - ella umleið 133.000 tunnur um dagin.

Eldur er eisini í oljugoymslum í eini havn í russiska Rostov-økinum orsakað av dronuálopum, upplýsir guvernørurin í økinum.

Bann fyri at útflyta diesel

Hetta kemur sera illa við hjá russiskum myndugleikum, sum í gjár settu bann fyri at útflyta diesel. 

Bannið er galdandi til 31. juli, og er ein roynd at fáa tamarhald á kreppuni, nú trot er á brennievni í landinum. 

Fleiri landspartar í Russlandi boða frá, at trot er á brennievni. 

- Kreppan er íkomin eftir at Ukraina seinastu tíðina hevur hert síni álop á russiskt orkuundirstøðukervi, segði Aleksandr Novak, varaforsætisráðharri, á stjórnafundi við Valimir Putin, forseta, í fyrradagin.