Nils Ohrt fekk virðisløn M. A. Jacobsens fyri yrkisbókmentir

Bókaverkið "Millum Føroyar og málningin" hjá Nils Ohrt er so mikið gott, at tað fekk virðisløn M. A. Jacobsens fyri yrkisbókmentir í 2022. 

M. A. Jacobsens virðislønir, Nils Ohrt

Í grundgevingini skrivar dómsnevndin at:

"Bókin varpar ljós á myndlistina og lívið hjá trimum føroyskum listafólkum: Sámal Joensen-Mikines, Ruth Smith og Ingálvi av Reyni, og kapitlarnir byrja við djúptøknum greiningum av einstøkum verkum.

"Millum Føroyar og málningin" setur tey trý og teirra myndir í ein størri samanhang við at knýta træðrir ímillum listina her heima á landi og rák úti í heimi.

List kemur av aðrari list, verður staðfest, og við umfatandi viðgerð, fótnotum og keldutilfari vísir høvundurin, hvussu tríggir føroyingar hava tikið lut í samrøðuni við listaheimin rundan um okkum."

M. A. Jacobsens virðislønir, Nils Ohrt

Nils Ohrt er fyrrverandi stjóri í Listasavni Føroya.