TV2 Sport: Hákun til Berlin

TV2 Sport: Hákun til Berlin
Sambært danska TV2 Sport skiftir føroyski hondbóltsspælarin Hákun West av Teigum til týskan hondbólt í summar. Hann skal avloysa Hans Lindberg í Füchse Berlin í Bundesliguni
Flúgvandi: Sambært TV2 Sport skal Hákun West av Teigum til Füchse Berlin í summar
 
25.10.2022 - 09:13

Føroyski hondbóltsspælarin Hákun West av Teigum skal avloysa Hans Lindberg í týska bundesligufelagnum Füchse Berlin.

Tað skrivar TV2 Sport.

41 ára gamli danski vongurin váttar fyri TV2, at hann ikki fær nýggjan sáttmála í Füchse Berlin, og sambært danska miðlinum verður Hákun West av Teigum keyptur inn í hansara stað.

Dugnaligi føroyski vongurin hevur sáttmála við Skanderborg Aarhus til 2024, men sáttmálin hevur sum skilst eina sertreyt, sum ger, at hann kann fara til Berlin í summar.

Hvørki Hákun West av Teigum ella felag hansara, Skanderborg Aarhus, hava úttalað seg til TV2 Sport.

Fleiri onnur týsk feløg hava dyrgt eftir føroyska høgravonginum, skrivar danski miðilin. Füchse Berlin er í løtuni fremst í Bundesliguni, eitt stig framman fyri Kiel, har Elias Ellefsen á Skipagøtu skal spæla næsta kappingarár.

Er kopiera
Nýggjastu sendingar í ÚV
Mánadag 16. november
Norðurljóð 16.november 2026
215027
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Nýggjastu sendingar í SV
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti
216442
Sunnudag 15. november
Eitt dýpi av dýrari tíð 2:2
216214