Sólbjørg Jakobsen úr Runavík vald á fólkating

bannari
Sólbjørg Jakobsen úr Runavík vald á fólkating
Anna Falkenberg og Sjúrður Skaale eru ikki einastu føroyingar, ið nú taka sæti á fólkatingi. Sólbjørg Jakobsen eru Runavík er vald inn fyri Liberal Alliance
Sólbjørg Jakobsen úr Runavík bleiv vald á fólkating fyri Liberal Alliance í Norðurjútlandi
Mynd: Sólbjørg Jakobsen á Facebook  
 
02.11.2022 - 14:24

31 ára gamla Sólbjørg Jakobsen úr Runavík, sum býr Aalborg í Norðurjútlandi, er vald á fólkating fyri Liberal Alliance.

Sambært heimasíðuni hjá Danmarks Radio, so hevur Sólbjørg Jakobsen fingið 4421 persónlingar atkvøður. 

Hetta er fyrstu ferð at Sólbjørg Jakobsen stillar upp til fólkatingið. Hon hevur áður stillað upp til kommunuvalið. 

Sólbjørg Jakobsen er, sum vera mann, sera fegin um dygga stuðulin, ið hon hevur fingið. 

"Eingin, ið áður hevur verið uppstillaður fyri Liberal Alliance í Norðurjútlandi, hevur fingið so nógvar atkvøður, so tað kundi ikki gingið betur." 

Sólbjørg Jakobsen hevur lagt dent á prísvøkstur í sínum valstríði, og hon hevur brúkt sosialu miðlarnar at reka við.


Sólbjørg Jakobsen, ið er nývald á fólkating, og Alex Vanopslagh, formaður í Liberal Alliance

 

Hoyr samrøðu við Sólbjørg Jakobsen, ið Sára Jógvansdóttir hevur gjørt við nývalda fólkatingslimin. 

Solbjorg_Jakobsen

 

Fer at pendla

Í valsendingini í útvarpinum í gjárkvøldið segði Sólbjørg Jakobsen, at hon ætlar sær at pendla millum Aalborg og Keypmannahavn, um hon varð vald. 

"Nei, eg flyti ikki til Keypmannahavnar. Eg búgvi beint við flogvøllin, so eg fari at pendla."

Liberal Alliance hevði størst framgongd á fólkatingsvalinum í gjár. Flokkurin fór úr fýra upp í 14 fólkatingslimir. 

Sólbjørg Jakobsen hevur verið á trappuni til fólkatingið leingi, men nú er hon so sloppin inn í hitan, og soleiðis lýsir hon seg sjálva. 

 

Er kopiera
Nýggjastu sendingar í ÚV
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Fríggjadag 20. november
RagnarRokk:Chris Flynn um Dreams of the Disappeared
215804
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592