Landið selur nú partabrøvini í Tjaldri

Nú er greitt, at partabrøvini hjá landinum í P/F Tjaldri vera sett til sølu.

Fíggjarmálaráðið hevur gjørt av at seta partabrøvini, sum hava 2,8 milliónir krónur í áljóðandi virði, til sølu. Hetta svarar til 2,8 prosent av samlaða partapeninginum í felagnum.

Seinasta freist at bjóða er 28. november. Fíggjarmálaráðið tilskilar sær rætt til at vraka øll boð, um tað metir, at tey ikki eru nøktandi.

Eisini tilskilar ráðið sær rætt til at skipa fyri nýggjum útboði millum tey, sum hava bjóðað, áðrenn freistin er farin, verður upplýst í dag.