- Tíðindi, mentan og ítróttur
Nú er skotið ígjøgnum
Nú er skotið ígjøgnum
Skipað var fyri hátíðarhaldi í Ánunum, tá seinasta skotið í Árnafjarðartunlinum var latið av seinnapartin
Seinasta skotið í Ánunum er latið av.
Mynd: Frants Jensen
08.11.2022 - 15:04
Fyri umleið einum tíma síðani var seinasta skotið í Árnafjarðartunlinum, sum er annar tunnilin norður um Fjall, latið av.
Knút Guðjónsson skeyt seinasta skotið. Hann var ein av trimum formonnum, tá gamli tunnilin var í gerð.
Harumframt hevur hann verið við til at gera Hvannasundstunnilin, Sandvíkartunnilin og gamla Hvalbiartunnilin.
Árnafjarðartunnilin verður umleið 1900 metrar langur, og Hvannasundstunnilin verður umleið 2200 metrar.
Tunlarnir fara at kosta 522 mió. kr., og tá er vegagerðin eisini íroknað.
Gongst sum ætlað, verða nýggju tunlarnir norður um Fjall tiknir í nýtslu á heysti í 2024.
Meiri verður at frætta í Degi og viku í kvøld.
Skipað var fyri hátíðarhaldi í Ánunum. (Mynd: Frants Jensen)
Røður vóru eisini hildnar. Her er Karl Johansen, borgarstjóri í Klaksvík, á røðarapallinum. (Mynd: Frants Jensen)
Er kopiera
Nýggjastu sendingar í ÚV
Nýggjastu sendingar í SV
