Fýra tilboð komin upp á innkomuveg og tunnil

Tilsamans fýra tilboð eru komin upp á arbeiðið at gera veg og tunnil í sambandi við innkomuvegin til Havnar.

Tunnilin hevur fingið arbeiðsheitið Húsareynstunnilin. 

Tvey av tilboðunum eru standard-tilboð, og tvey eru alternativ tilboð, sum Tórshavnar kommuna málber seg.

J&K Petersen bjóðar sær til at gera veg og tunnil fyri góðar 310 milliónir kr. Tilboðið frá Articon er góðar 293 milliónir kr.

Articon hevur harumframt tvey alternativ uppskot. Annað er upp á 289 milliónir kr., og hitt er upp á 261 milliónir.

Umsitingin fer nú saman við ráðgevum at nærlesa innkomnu tilboðini, sigur Tórshavnar kommuna.