Samráðast við Noreg og Ísland í vikuni

Føroyar hava nakrar fiskiveiðusamráðingar um 2023 nú í vikuni.

Strandarlondini samráðast um makrel í London, og Føroyar og Bretland hava samráðingar hósdagin og fríggjadagin, eisini í London.

Í dag fara fólk úr Føroyum til Oslo at samráðast við Noreg.

Samráðingar við Ísland eru eisini í dag. Tær eru talgildar. 

Samráðingarnar við Ísland plaga at vera á ráðharrastigi, so Árni Skaale, landsstýrismaður, og Svandis Svavarsdóttir, ráðharri, samráðast.

Eftir er so at samráðast við ES. Samskifti er um tær samráðingarnar, men dagurin er ikki ásettur enn.

Strandarlondini fara at samráðast um svartkjaft og norðhavssild í januar.