Lise Nørgaard er deyð

Danski journalisturin og rithøvundurin Lise Nørgaard er deyð. Hon bleiv 105 ár.

Lise Nørgaard, sum andaðist í gjárkvøldið, er serliga kend fyri at hava skrivað handritið til sjónvarpsrøðina "Matador".

Í 1992 og 1993 gav hon út sjálvævisøgurnar "Kun en pige" og "De sendte en dame". Í bókunum lýsti hon millum annað síni barnaár í Roskilde og lærutíðina sum journalistur á Roskilde Dagblad. Í 1995 bleiv "Kun en pige" eisini gjørd til film.

Lise Nørgaard hevur fingið fleiri heiðurslønir, og í 1994 gjørdist hon riddari av Dannebrog. Í heimbýnum Roskilde er eisini ein bronsustandmynd gjørd av henni.