Gjøgnumganga deildir í H-bygninginum

Seinkingar og eykajáttanir hava sett sín dám á nýggja H-bygningin á Landssjúkrahúsinum. Royndarkoyringin av bygninginum er nú byrjað, men tað eru tó partar av bygninginum, sum ikki kunnu royndarkoyrast enn.

Hoyr samrøðu við Sigurð Ólason Vang, verkætlanarleiðara hjá Landsverki:

Sigurð Ólason Vang, Sigurð Ó. Vang

Sigurð Ólason Vang, verkætlanarleiðari hjá Landsverki. (Mynd: Bjarni Árting Rubeksen)

H-bygningurin er partur av langtíðarætlan fyri út- og umbygging av Landssjúkrahúsinum.

Hetta byggistigið fevnir um nýggjar medisinskar seingjardeildir, føði- og barnsburðardeild, psykiatriskan depil, hølir til sjúkrahúsuppvenjing og køk. Í kjallaranum verður tøknirúm til hitapumpur, seingjavaskimiðstøð, høvuðsgoymsla, parkering og rúm til burturkast.