Hjálparfólkafelagið: Pedagogfelagið økir tilvitað lønarmunin

- Pedagogfelagið hevur seinastu árini tilvitað økt lønarmunin millum námsfrøðingar og hjálparfólk. 

Tað sigur Sámal Hansen, formaður í Hjálparfólkafelagnum, í hvassorðaðum lesarabrævi.

- Pedagogfelagið hevur brúkt hjálparfólkini til at samráða seg til betri sømdir fyri námsfrøðingarnar í felagnum, og tað er ikki rætt, sigur hann.

- Hjálparfólk vera ikki tikin við, tá ið samráðingar eru, og hava tí ongan møguleika at minka gjónna, sigur formaðurin í Hjálparfólkafelagnum.

Hoyr innslag í útvarpstíðindunum:

Jógvan Philbrow, formaður í Pedagogfelagnum, vil ikki at gera samrøðu við Kringvarpið, men sigur í stuttari viðmerking, at hann kennir seg ikki aftur í atfinningunum frá formanninum í Hjálparfólkafelagnum.

Pedagogfelagið arbeiðir fyri allar limir í felagnum, sigur hann.