- Tíðindi, mentan og ítróttur
Alt tóktist ganga eftir ætlan, áðrenn flogfar brádliga datt niður í Nepal
Alt tóktist ganga eftir ætlan, áðrenn flogfar brádliga datt niður í Nepal
Flogskiparin á Yeti Airlines-flogfarinum boðaði ongantíð frá, at nakað var áfatt, áðrenn ATR 72-propellflogfarið datt niður undir innflúgvingini til flogvøllin í Pokhara
Øll 72 fólkini umborð á nepalesiska flogfarinum, harav 68 vóru ferðafólk, lótu lív.
Mynd: Ritzau / Scanpix
16.01.2023 - 13:49
"Sýnið er gott, og veðrið tað sama," segði Anup Joshi, flogskipari, áðrenn flogfar hansara brádliga legði seg á liðina undir innflúgvingini til flogvøllin í Pokhara og datt niður.
Flogfarið, sum datt niður, var av slagnum ATR 72 hjá nepalesiska flogfelagnum Yeti Airlines.
Øll 72 fólkini umborð, harav 68 vóru ferðafólk, lótu lív.
Sambært ferðafólkalistanum vóru 53 fólk umborð úr Nepal, fimm úr India, fýra úr Russlandi, tvey úr Suðurkorea og eitt ferðafólk úr Avstralia, Argentina, Írlandi og Fraklandi.
ATR 72-propellflogfarið hjá Yeti Airlines hevði annars flogið teinin frá Khatmandu til kenda ferðafólkabýin Pokhara.
Undir innflúgvingini sá alt út til at ganga, sum tað skuldi. Men brádliga byrjaði flogfarið at leggja seg á liðina, áðrenn tað datt niður millum húsini í økinum.
Hendingin bleiv upptikin við einari fartelefon.
Divya Dhakal, sum býr í økinum, sá flogfarið detta niður. Hon greiðir BBC frá, at tað sá út sum, at flogskiparin stýrdi uttan um húsini og rakti einasta bera blettin í økinum.
Er kopiera
Nýggjastu sendingar í ÚV
Nýggjastu sendingar í SV
