Sí myndirnar: Ætla at byrja við at framleiða 600 tunnur av whisky um árið

Sí myndirnar: Ætla at byrja við at framleiða 600 tunnur av whisky um árið
Hátíðarløta í Vestmanna í dag, tá Faer Isles Distillery setti gongd á whiskyframleiðsluna
Bogi Karbech Mouritsen var upprunaligi stigtakarin til Faer Isles Distillery, sum í dag byrjaði whisky-framleiðsluna
Mynd: Bjarni Árting Rubeksen  
 
27.01.2023 - 18:25

“Tað er ein dreymur, ið gongur út,” ásanna Bogi Karbech Mouritsen og Dánial Hoydal, ið eru ávikavist høvuðsbryggjari og stjóri í Faer Isles Distillery, nú fyrstu whiskydroparnir í dag verða latnir tunnur í virkisbygninginum í Vestmanna.

Myndir: Bjarni Árting Rubeksen

Faer Isles Distillery stjórin, Dánial Hoydal, og stovnarin, Bogi Karbech Mouritsen, fáa teir síðstu smálutirnar upp á pláss, áðrenn gestirnir koma til stóra hátíðarhaldið hjá felagnum. 

Faer Isles Distillery hevur farna árið framleitt akvavitt, ginn og vodka.

Samstundis hevur felagið arbeitt við at seta upp nýggja whisky-framleiðsluútgerð, herundir tveir koparketlar, sum taka ávikavist 5000L og 3600L. 

50 milliónir kostar brennivínsverksmiðjan, nú hon stendur liðug.

Framleiðslan verður 600 tunnur um árið í byrjanini, men framleiðsluorkan hjá brennarínum í Vestmanna er størri enn tað.

Lítla brennaríið, ið verður brúkt til at brenna ginn, vodka og akvavitt, sær út sum ein viðfáningar afturímóti nýggja whisky-brennarínum. 

 

Bjarni Lamhauge til høgru er høvuðsbryggjari og triði maðurin í Faer Isles Distillery saman við Dánali Hoydal og Boga Karbech Mouritsen. Teir hava fingið tveir skotar at koma at leggja sær lag á við bryggingini. 

 

Neyðugt er eisini at brúka nøsina, tá whisky skal bryggjast og brennast, og ikki bara tá tað skal drekkast. 

Kopar og hitamátarar eru avgerandi í tilgongdini at bryggja og brenna brennivín. 

Samstundis so nýggja whisky-verksmiðjan er sett upp, er eisini bygd ein nýggj barr og móttøka í virkisbygninginum, sum skal brúkast til taka ímóti vitjandi og víðka um tilboðið í økinum til ferðafólk og føroyingar sum heild.

Joel Cole hevur snikkað sera snotiligu borðini í barrin til. 

“Málið er at framleiða whisky til útflutnings,” greiðir Dánial Hoydal, stjóri, frá.

Virkisbygningurni er býttur upp í ein verksmiðju part og ein móttøku part. 

Stjórin í og stigtakarin til Faer Isles Distillery hava verið noyddir at gera tað allar mesta sjálvir, eisini í sambandi við móttøkuna í dag. 

Seinastu innstillingarnar, áðrenn whisky-verksmiðjan er klár at seta í gongd. 

Bjarni Lamhauge, høvuðsbryggjari, ruddar tað síðsta av vegnum, áðrenn gestirnir koma. 

Báðir koparketlarnir hava fingið navn. 

Ein goymslubygningur til whiskytunnurnar stendur eisini í gerð oman fyri Kvívík.

 

Menninir handan Faer Isles Distillery náddu eisini at skifta í føroysk klæðir og vóru klárir at taka ímóti mongu gestunum, ið komu á gátt at hátíðarhalda uppstartin av nýggja whisky-brennarínum. 

Stórur áhugi var fyri at síggja nýggja whiksy-brennaríið og hátíðarhalda dagin saman við Faer Isles Distillery.

Landsstýrismaðurin í vinnumálum, Høgni Hoydal, klipti snórin til nýggja framleiðsluøkið. Hann lovaði at arbeiða fyri, at broyta lógina soleiðis, at Faer Isles Distillery eisini sleppur at selja sín egna løg. 

 

So var opið í barrini, og vestmenningar hava fingið eitt nýtt býarrúm, ið ætlanin er at hava opið til serlig høvi. 

 

 

 

 

 

Er kopiera
Nýggjastu sendingar í ÚV
Fríggjadag 29. mars
Úr Koltri til Kirkjubøar (2:2)
172480
Fríggjadag 29. mars
Guðstænasta úr Hvannasunds kirkju
172951
Hósdag 28. mars
Ein sangur til dirvi
172633
Nýggjastu sendingar í SV
Fríggjadag 29. mars
Guðstænasta úr Hvannasunds kirkju
172949
Hósdag 28. mars
Skírhósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584