Fíggja umvælingar við tunnilsgjaldinum

Norðoyatunnilin hevur verið stongdur um náttina síðani hálvan november í fjør. Og tað verður hann í tveir mánaðir afturat.

Nógv arbeiði verður gjørt í tunlinum, m.a. verða ljósini skift til LED, loftið verður umvælt og luftskiftisskipanin.

Arbeiðið kostar tilsamans 11 milliónir kr., sum tunnilsfelagið fíggjar sjálvt við inntøkum frá tunnilsgjaldinum.

Hoyr samrøðu við Una Danielsen, stjóra í tunnilsfelagnum, í útvarpstíðindunum: 

Hóast Norðoyatunnilin er stongdur fyri ferðslu hvørja nátt, frá sunnukvøldi til fríggjamorgun, til endan av mars mánaði, verður ferðslan tó leidd gjøgnum tunnilin klokkan 23, 24, 02, 04 og 05.30.

Sambært Una Danielsen fer tunnilsfelagið at eftirhyggja loftið í Vágatunlinum seinni í ár. Har verður tó ikki neyðugt at skifta ljósini, tí LED-ljós vóru longu sett upp undir loftið í Vágatunlinum fyri 1-2 árum síðani.

Uni Danielsen

Uni Danielsen er stjóri í tunnilsfelagnum.