Borgarafundur um turrdokk á Skála

Útbyggingin hjá Mest á Skála er komin undan kavi aftur alment.

Í kvøld verður borgarafundur um hana í skúlanum á Skála.

Mest ætlar at dagføra skipasmiðjuna á Skála og gera størri turrdokk.

Mest hevur søkt Runavíkar kommunu um byggiloyvi.

Ymsar ætlanir

Ymsar ætlanir hava verið um útbyggingina hjá Mest hesi seinastu árini.

Millum annað ein um eina 40 metra høga høll yvir turrdokkina. Tann ætlanin fekk øði í nógv fólk á Skála.

Men, sum skilst, er ætlanin um høllina slept.

Á borgarafundinum í kvøld fer Mouritz Mohr, stjóri hjá Mest, at greiða frá ætlanum felagsins, og Jóhannes Steingrund fer at greiða frá kanningum, sum eru gjørdar í sambandi við ætlanina.