Konkurslóg: Skulu ikki sleppa at halda fram, um starvið er misrøkt

Eitt av endamálunum við at broyta konkurslógina og fylgilógir, er at betra møguleikarnar hjá fyritøkum, sum eru í fíggjarligum trupulleikum, at halda fram at virka, í staðin fyri at verða koyrdar á húsagang. 

Broytingin fer eisini at seta bann fyri, at persónar, sum eru farnir á húsagang við eini fyritøku, kunnu reka ávís sløg av vinnuvirksemi, um teir hava misrøkt sítt starv við skilaleysari leiðslu. 

Hoyr Aksel V. Johannesen, løgmann, sum varðar av lógaruppskotinum, greiða frá í útvarpstíðindunum:

Uppskotini um fylgilógir í sambandi við konkurslógina fingu fyrstu viðgerð í tinginum í dag, og tey eru farin í rættarnevndina til viðgerðar.