- Tíðindi, mentan og ítróttur
Dysturin um finaluplássini byrjar
Dysturin um finaluplássini byrjar
Í kvøld verða fyrru hálvfinalurnar í Faxe Kondi-steypakappingini í hondbólti við kvinnum spældar, og finaluliðini í fjør, Kyndil og H71, eru favorittar
Kom so: Neistin tekur ímóti H71 á Hálsi, meðan Kyndil vitjar Stjørnuna í Klaksvík
15.02.2023 - 17:22
Fyrru hálvfinalurnar í Faxe Kondi-steypakappingini í hondbólti við kvinnum verða spældar í kvøld.
Suverena oddaliðið í landskappingini, H71, er favorittur í Høllini á Hálsi ímóti Neistanum, sum tær eisini vunnu á um vikuskiftið.
Í hinum hálvfinaludystinum tekur Stjørnan ímóti Kyndli í KÍ-høllini í Klaksvík. Hetta er eisini ein endurtøka av dystinum um vikuskiftið, tá Kyndil vann ein sigur, sum kanska gjørdist eitt vet størri, enn spælið á vøllinum bendi á.
Dysturin í Klaksvík byrjar klokkan 19.00, meðan Neistin og H71 geva bóltin upp klokkan 20.00. Seinnu hálvfinalurnar hjá kvinnunum verða spældar leygardagin.
Er kopiera
Nýggjastu sendingar í ÚV
Nýggjastu sendingar í SV
