Fiskamarknaðurin: Yvirhøvur gott fiskarí

Partrolararnir hava nú brúkiligt fiskarí, skrivar Fiskamarknaðurin.

Seks pør eru úti. Øll fiska upsa, men fáa eisini eitt sløð av hvítum fiski, serliga longu og hýsu. 

Línuskipini hava gott fiskarí.

Níggju frystilínuskip eru til fiskarí. Eitt er í grønlendskum sjógvi, og átta eru í íslendskum sjógvi. 

Tey fáa tosk, hýsu, longu, brosmu og so nakað av øðrum fiskasløgum. 

Tvey ísfiskalínuskip eru á veg til fiskiskap.

Kallanes, útróðrarbátur, útróðrarbátar, fiskivinna, fiskiskapur

Útróðrarbátarnir fáa mest av hýsu og nakað av toski.

Góður streymur

Um útróðurin verður sagt, at streymurin er góður alla vikuna og veðrið eisini.

Fiskaríið er brúkiligt. Útróðrarbátarnir fáa mest av hýsu og nakað av toski.

Annar djúpvatnstrolarin fiskar svartkalva. Hin er á beding.

Seks trolbátar eru á Skeivabanka og fiska havtasku. 

Tvey garnaskip fiska svartkalva. Eitt fiskar havtasku. Fiskaríð hjá garnaskipunum er brúkiligt.