Barnahúsið: Neyðtikin børn fylla nógv í frágreiðingini

Neyðtikin børn, sum vóru yngri enn 15 ár, fylla mest í yvirlitinum um kynsligan ágang móti børnum, sum Barnahúsið kannaði í fjør.

Seks slík mál vóru. Í tí eina førinum var tó talan um eina 17 ára gamla gentu.

Fýra mál vóru um annað kynsligt samband enn neyðtøku.

Barnahúsið viðgjørdi 20 mál í fjør. Í 2021 vóru tey 33. Í miðal seinastu átta árini hava málini verið 29.

Harðskapsmálini vóru nógv færri í fjør enn undanfarin ár. Tey vóru bara tvey í fjør, sum er minsta talið, síðani Barnahúsið byrjaði í 2014.

Børn og barnaverndarmál

Barnahúsið viðgjørdi 20 mál í fjør. Í 2021 vóru tey 33. Í miðal seinastu átta árini hava málini verið 29. (Savnsmynd)

Ráðgevingin ger mun

Orsøkin kann vera, sigur Barnahúsið í ársfrágreiðingini fyri 2022, at tann ráðgeving, sum barnaverndartænastur síðan 1.mars í fjør fáa frá løgregluni, hevur gjørt, at summi mál, sum fyrr vóru fyri Barnahúsið, nú í staðin vera viðgjørd sum vanlig barnaverndarmál.

Annað harðskapsmálið í fjør var í bólkinum lúsingur, brestur, sløg ella spark. Hitt var hóttan við vápni.

Yngsta barnið í teimum 19 málunum, sum endaðu í Barnahúsinum, var fimm ár. Tey elstu vóru 17.

Ein kvinna og 20 menn vóru undir illgruna í sambandi við mál í Barnahúsinum. Sjey teirra vóru skyldfólk hjá barninum, millum annað foreldur. 

oddbjørg balle

Oddbjørg Balle er leiðari á Barnaverndarstovu Føroya.

Barnahúsið eigur at hava fleiri tilboð 

Um børn, sum hava verið fyri ágangi, og familjur teirra skulu fáa eitt nútíðarhóskandi tilboð, so er neyðugt at víðka tilboðini hjá Barnahúsinum.

Tað sigur Oddbjørg Balle, leiðari á Barnaverndarstovu Føroya og sálarfrøðingur ì Barnahúsinum. 

Fyri at røkka á hesum máli, verður í ársfrágreiðingini víst á fimm átøk, sum eru neyðug at seta í verk. 

Hoyr innslag í útvarpstíðindunum: