Ríkastu menninir hava meira enn tvífaldað ognina

Fimm teir ríkastu menninir í heiminum hava seinastu trý árini meira enn tvífaldað samlaðu ognir sínar til meira 5.900 milliardir krónur, sambært frágreiðing frá Oxfam.

Gjógvin millum rík og fátæk í heiminum heldur fram at vaksa, vísir frágreiðingin frá bretska hjálparfelagsskapinum.

Meðan ognin hjá fimm teimum ríkastu monnunum í 2020 var góðar 2.760 milliardir krónur tilsamans, var hon í fjør 5.928 milliardir krónur.

Sama tíðarskeið gjørdust 4,8 milliardir fólk - tað eru meira enn helvtin av íbúgvunum á jørðini - fátækari.

- Fyritøkur skapa ójavna við at leggja trýst á arbeiðsfólkið, gera partaeigarar ríkari og skáka sær undan at rinda skatt, sigur Oxfam.