Mótrokningin skal broytast á nýggjárinum

Sámal Petur í Grund, formaður og tingmaður fyri Sjálvstýri, hevur sett Margit Stórá, landsstýriskvinnu í almanna- og heilsumálum, grein 52-fyrispurning, har hann m.a. spyr, um hon hevur nakrar ætlanir um at strika mótrokningina av arbeiðsinntøku hjá fólkapensjonistum.

Tað ætlar hon ikki.

Svarið hevur fingið Helga Abrahamsen at gera vart við tað, sum samgonguna hevur avtalað í samgonguskjalinum.

Samonguskjalið
- Tað, sum undrar meg og okkum í Sambandsflokkinum, er, at hon argumenterar ímóti at gera broytingar í heila tikið.

- Men vit hava altso gjørt semju um, at vit skulu seta mótrokningina upp á 300.000 krónur um árið. Og vit vænta, at hon kemur við uppskoti eftir ólavsøku, so tað kann koma í gildi 1. jnuar 2027.

Spurdur um flokkarnir eru ósamdir í samgonguni svarar Helgi Abrahasen, at grundleggjandi eru fólkini ósamd, og tí gjørdu tey eina semju, eitt kompromis, sum tey øll stóru aftanfyri. Og hann gongur út frá, at tað er tað, sum verður gjørt.

Mótrokning av pensjónum
Í dag er skipanin soleiðis, at fólk kunnu forvinna sær aðra inntøku, uttan at tað ávirkar fólkapensjónina. Men er hon hægri enn eitt vist, í dag eitur talið 61.900, so verður pensjónin mótroknað við 20 prosentum av inntøkuni.

Sum sagt ætlar samgongan at hækka upphæddina, sum pensjonistar kunnu forvinna uttan mótrokning upp í 300.000 krónur um árið.

Men sjálv mótrokngingin skal tá hækkast úr 20 upp í 30 prosent.

Hoyr innslag úr Úrtvarpstíðindunum.