Undirsjóvartunnil av Skarvanesi kostar góðar 100 milliónir í Sandslíð

Partafelagið Suðuroyartunnilin mælir til, at tunnilin fer av Skarvanesi til Sandvíkar.

Tí verður vegurin í Sandslíð ein høvuðsfarleið og skal breiðkast og stutt berghol gerast.

Dennis Holm, landsstýrismaður, hevur svarað spurningi frá Sólvit E. Nolsø, løgtingsmanni, um vegin í Sandslíð.

Tvær loysnir eru nú

Tvær loysnir eru nú, sigur landsstýrismaðurin.

Onnur er at breiðka vegin og tryggja hann móti omanlopum. 

Í íløguætlanini eru 23 mió. kr. í 2025 og 23 milliónir í 2026 til hetta arbeiðið.

Tann verkætlanin er prosjekterað og klár at bjóða út. 

Við váðaískoyti væntar Landsverk, at verkætlanin fer at kosta 50-55 mió. kr. 

Hin loysnin hevur eitt 380 metrar langt berghol á Líðarenda, har vegurin er serliga trupul at breiðka.

Vegurin í Sandslíð er hálvan annan kilometur.

Dennis Holm sigur, at eftir at tilmælið kom frá Suðoyartunlinum, er neyðugt at taka málið uppaftur.