Ísland: Krevja endurgjald fyri mista hvalaveiðu

Íslendska partafelagið Hvalur hevur boðað íslendska ríkinum frá, at tað fer at krevja endurgjald, tí felagið slapp ikki at skjóta hval í slakan hálvan triðja mánað í fjør.

Hvalaveiðan var steðgað dagin fyri, hon skuldi byrja.

Endurgjaldið kann vera heilt upp í 200 milliónir krónur í okkara pengum.

Tá er kravið hjá arbeiðarafelagnum á Akranesi talt við.

Og felagið hjá teimum, sum eru við teimum báðum hvalabátunum, fer eisini at krevja endurgjald. 

Altingsins umboðsmaður segði, at Svandís Svavarsdótt­ir, ráðharri, hevði ikki lógarheimild til at steðga hvalaveiðuni.

Hvalur vil hava málið avgreitt sum skjótast.