Nations League: Lutakastið verður í morgin

Lutakastið til komandi Nations League-kappingina verður hósdagin.

Tá verður greitt, hvørji trý lond føroyska A-landsliðið skal spæla ímóti í heyst.

Føroyar eru í 2. styrkisbólki í C-deildini.

Møguleiki er fyri, at Håkan Erikson, landsliðsvenjari, sleppur at royna seg ímóti sínum landsmonnum, tí Svøríki er í 1. styrkisbólki. Hini londini í ovasta bólkinum eru Rumenia, Armenia og Luksemborg.

Í 3. bólki eru Norðurmakedónia, Slovakia, Norðurírland og Kýpros, og í styrkisbólki 4 eru Hvítarussland, Litava ella Gibraltar, Estland og Lettland.

Lutakastið verður klokkan 17:00, og dystirnir í Nations League verða spældir í tíðarskeiðunum 5. til 10. september, 10. til 15. oktober, og 14. til 19. november í ár.