Smyril Line byggir tvey umhvørvisvinarlig farmaskip

Smyril Line hevur gjørt sáttmála við kinesiska skipasmiðju um at smíða tvey farmaskip.

Talan er um tvey eins ro-ro-skip, ið vera 190 metrar til longdar. Tey hava 3.300 sonevndar lane-metrar til treylarar.

Smyril Line og nýtt farmaskip

Av bakkastokki í 2026

Nýggju skipini fara at sigla í rutunetinum hjá Smyril Line, og tey fara eftir ætlan av bakkastokki í 2026.

Skipini verða sniðgivin í samstarvi við Knud E. Hansen, skipsarkitektar, sum skulu tryggja, at skipini verða bygd til serstøku leiðina millum Evropa, Føroyar og Ísland.

Smyril-Line sigur, at skipini vera umhvørvisvinalig, og lúka øll krøv um útlát. Skipini verða útgjørd við battarískipan og møguleika fyri landstreymi. Skipini verða eisini fyrireikað at sigla við

e-metanoli.

Hoyr samrøðu við Jens Meinhard Rasmussen, stjóra í Smyril Line, í útvarpstíðindunum:

Smyril Line og nýtt farmaskip

Størri mál

- Nú er tíðin búgvin at seta okkum nýggj og størri mál við kós ímóti minni útláti í Norðuratlantshavi, sigur Jens Meinhard Rasmussen, stjóri í Smyril Line, í tíðindaskrivi.

- Við nýggju skipunum leggja vit dent á at framtíðartryggja og leiða felagið fram ímóti eini grønari orkuloysn. Eisini fara vit at flyta nógv størri nøgdir av farmi við minni orkunýtslu, enn vit gera nú. Orkusparingin verður í minsta lagi prosent, sigur Jens Meinhard Rasmussen. 

Smyril-Line hevur sett sær sum mál, skipini skulu einki netto-útlát hava í 2050. 

Jens Meinhard Rasmussen

Jens Meinhard Rasmussen er stjóri í Smyril Line.