Fólk skulu hava góð tilboð, tá ið demenssjúka rakar

Fólk kring landið skulu hava góð tilboð, tá ið demenssjúka rakar.

Tað er kjarnin í nýggjari verkætlan við frymli til at samskipa demensøkið hjá kommunum. 

Verkætlanin varð løgd fram á ráðstevnu í Norðurlandahúsinum, á altjóða alzheimerdegnum, í gjár. 

Unn Justinussen, sjúkrarøktarfrøðingur og næstforkvinna í Alzheimerfelagnum, hevur gjørt verkætlanina "Kommunala Demenssamskipanin".

Tað eru kommunurnar, sum varða av eldra- og demensøkinum. Tað hava tær gjørt síðani 2015.

Allar kommunur eru ikki eins væl fyri, og tí er eisini munur á tænastuni kring landið. Sum er, er einki minstakrav til kommunurnar á demensøkinum.

Unn Justinussen varð sett í starv hjá Roðanum sum fyrsti kommunali demenssamkipari í landinum. Tað var í 2017.

Hon var gestur í Breddanum fyrrapartin:

Allur Breddin kann hoyrast her.