Sóknast eftir vitnum til innbrot í Á-handli

Løgreglan sóknast eftir vitnum í sambandi við eitt innbrot í Á-handilin við Landavegin í vesturbýnum í Havn gjáranáttina.

Innbrotið er framt millum klokkan hálvgum tólv sunnukvøldið og klokkan fimm í gjáramorgunin.

Tjóvurin ella tjóvarnir hava brotið ein rút og eru farnir inn á skrivstovuna í handilsbygningunum.

Har hava teir brotið upp pengaskápið og tikið størri peningaupphædd í reiðum peningi.

Kanna upptøkur

Rúni Vesturklett, vaktleiðari, vil ikki siga, hvussu nógvur peningur er stolin.

Løgreglan kannar í løtuni upptøkur frá vakmyndatólum, og fólk í grannalagnum verða eisini avhoyrd. 

Løgreglan vil eisini frætta frá fólki, sum kunnu hava sæð okkurt í økinum hesa náttina - frá sunnukvøldinum kl. 23.30 til mánamorgunin kl. fimm.

Løgreglan hevur tlf. 351448.