Friðarlig nátt

Politiið var úti til gongu millum klokkan trý og hálvgum seks og fekk í nøkrum førum fyribyrgt onkrum, sum kundi enda við bardaga ella harðskapi.

Ein var tikin inn á Politistøðina klokkan hálvgum fýra og verður skuldsettur fyri brot á skilhaldsreglurnar.

Í Klaksvík var ein bilførari tikin fyri at koyra ávirkaður av rúsevnum og fyri at hava rúsevni uppi á sær, eins og ein annar í bilinum eisini var tikin fyri at hava rúsevni uppi á sær.

Politiið gjørdi eisini ferðslukanningar í einum 40 kilometra øki í Klaksvík í gjár, og har fekk ein bilførari klipp í koyrikortið og tveir treytaða frákenning av koyrikortinum fyri at hava koyrt ov skjótt.