Gistingarhúsini seldu kømur fyri 100-110 millónir í fjør

Føroysku gistingarhúsini seldu kømur fyri 100 til 110 mió. kr. brutto í fjør.

Var meirviðisgjald fyri hesa sølu, komu 25 til 30 milliónir aftrat.

Annars er øgiliga ringt at siga neyvt, hvussu nógv ferðavinnan kostar og gevur føroyska samfelagnum.

Tað sigur Ruth Vang, landsstýriskvinna, sum hevur svarað Árna Skaale, løgtingsmanni, sum spurdi um ferðavinnu og kostnað.

Hon sigur bart út, at tveir spurningar hjá Árna Skaale kunnu ikki svarast, tí eingi hagtøl eru.

Árni Skaale spurdi, hvussu nógv stuðulsskipanir hjá ferðavinnuni hava kostað seinastu 10 árini, og hvussu nógv, ferðavinnan rindar landskassanum í ár.