Halda ikki krav um útboð

Ársfrágreiðingin hjá Landsgrannskoðanini fyri almenna roknskaparárið 2025 vísir enn eina ferð, at reglurnar um at bjóða út vørur og tænastur ikki altíð eru fylgdar. 

Stovnar søkja heldur ikki altíð um undantak frá útbjóðingarskylduni, hóast møguleiki er fyri tí. 

Vørur og tænastur, sum kosta meira enn 500.000 kr., skulu bjóðast út alment á Keypsportalinum.

Um keypt verður fyri millum 50.000 kr. og 500.000 kr., skal stovnurin biðja um tilboð frá í minsta 
lagi tveimum veitarum, ella kann hann bjóða keypið út á Keypsportalinum. 

Dømi eru um, at stovnar halda ávísar veitarar vera bestir.

Ella er tænastan so serstøk fyri stovnin, at hon ikki hóskar til vanliga kapping millum fleiri veitarar, heldur stovnurin.  

Landsgrannskoðanin hevur eisini víst á, at einki forðar fyri at biðja um prísir frá fleiri fyri vørur og tænastur, sum kosta minni enn 50.000 kr., so sum so mest fæst fyri skattakrónurnar.