Á Breddanum: Fólkaskúlin og útlendskir næmingar

Umleið 220 børn, sum ganga í føroyska fólkaskúlanum, hava ikki føroyskt sum móðurmál. Umleið 120 skilja als ikki føroyskt.

Hóast vit hava vitað tað í fleiri ár, so tykist tað koma óvart á myndugleikarnar, at fólkaskúlin hevur nógvar útlendskar næmingar, sum skilja lítið og einki av føroyskum.

Í vár kom eitt fólkaskúlaálit, sum skuldi vera grundarlag undir aðalorðaskifti um fólkaskúlan, tí lógin um fólkaskúlan skal endurskoðast.

Nógv varð tosað um smærri flokkar og styttri dagar, men einki um, at talið á børnum, sum hava føroyskt sum annaðmál, er vaksið nógv.

Er fólkaskúlin til reiðar at taka ímóti teimum?

Tað spyrja vit um í sendingini í dag.

Djóni Nolsøe Joensen, landsstýrismaður í barna- og útbúgvingarmálum, verður í útvarpsstovuni. 

Breddin í útvarpinum klokkan 10.

Sendingin verður stroymd her.