Brutu inn á Námsvísindadeildina

Mánadagin kom fráboðan um, at innbrot hevði verið á Námsvísindadeildini hjá Fróðskaparsetrinum á Frælsinum í Havn.

Tey, sum brutu inn, gjørdu herverk, og nógv varð brotið. 

Tað sigur vakthavandi á løgreglustøðini í morgun. 

Av tí at vakmyndatól eru á staðnum, hevur løgreglan sæð, hvør gjørdi herverkið og funnið fólkini aftur. 

Hildið verður at fimm fólk brutu inn.

Løgreglan veit einki um fólkini frammanundan, og arbeiðir nú víðari við málinum.