- Tíðindi, mentan og ítróttur
Miðnámi á Kambsdali tørvar eykajáttan at rinda eldskaðar
Miðnámi á Kambsdali tørvar eykajáttan at rinda eldskaðar
Neyðugt er við 1,7 milliónum krónum til at umvæla skaðarnar á skúlabygninginum hjá Miðnámi á Kambsdali
Eldur kom í eltalvuna á Miðnámi á Kambdsdali
25.03.2024 - 20:12
Tað kostar Miðnámi á Kambsdali 1,7 mió krónur, at umvæla eld- og roykskaðarnar, sum komu, tá eldur var í skúlabygninginum í februar.
Sambært eini kostnaðarmeting komu skaðar fyri 1,5 mió. kr. á sjálvan bygningin. Haraftrat vera skaðarnir á innbúgv mettir at kosta áleið 700.000 krónur.
Men innbúgvið á skúlanum var ikki tryggjað og landið hevur eina sjálvsábyrgd á eina mió. kr. fyri tílíkum bygningum. Tí ljóðar rokningin fyri eldin á 1,7 mió. kr.
Hetta hevur Miðnámsskúlin ikki ráð til at rinda fyri eftir verandi játtan, og tí biður Barna- og útbúgvingarmálaráðið Løgtingið, um eykajáttan, til at umvæla skaðarnar.
Er kopiera
Nýggjastu sendingar í ÚV
Nýggjastu sendingar í SV
