Løgtingið skal samtykkja tjóðartrygdarpolitikk

Fyrr í mánaðinum varð uppskot til samtyktar um tjóðartrygdarpolitikk lagt fyri tingið. Í uppskotinum, sum er sett upp í tíggju punkt, verður millum annað sagt, at øll millumtjóða trygdar- og verjupolitisk átøk, sum Føroyar onkursvegna eru partur av, skulu vera í samsvari við altjóða lóg; at Føroyar skulu taka egna ábyrgd í trygdar- og verjupolitikki; at átøk skulu setast í verk, sum styrkja sivilar trygdar- og tilbúgvarstovnar, og at Føroyar og sjóumveldi Føroyar skulu vera kjarnorkuvápnafrítt øki.

Uppskotssetarin Høgni Hoydal, landsstýrismaður við uttanríkismálum, sigur, at tað hevur týdning, at Føroyar melda greitt út, at vit taka frástøðu frá øllum, sum brýtur altjóða lóg og mannarættindi.

Hoyrið samrøðu við Høgna Hoydal her: