Fuglalívfrøðingur: Umhvørvisbroytingar størri hóttan enn berglop

Ivan Olsen er fuglalívfrøðingur. 

Saman við øðrum skipaði Ivan Olsen í fjør fyri fuglateljing í Skúvoy.

Tølini frá fuglateljingini verða brúkt sum grundarlag undir eini vísindaligari grein, ið verður útgivin seinni í ár.

6000 lomvigar raktar

Bjørgini í Skúvoy vóru býtt upp í 40 øki og síðani avmyndað við hágóðskumyndum. 

Staðfest varð, at júst økið, har bergið um páskirnar leyp, búleikaðust 6.000 lomvigar. 

Hesir 6.000 lomvigarnir svara til áleið 10 prosent av samlaðað lomvigastovninum í Skúvoy, sum var 56.000 lomvigar í fjør. 

>>Sí eisini: Skúvoyingar skoðaðu skaðan

Mælir til at friða lomvigan

Berglopið í Skúgvoy um páskini er sjálvandi álvarsamt fyri lomvigan, men fær ikki álvaringarlampurnar hjá Ivani Olsen, fuglalívfrøðingi, at lýsa.

Tað fær hinvegin tann sannroynd, at hóast 56.000 lomvigar ljóðar av nógvum, so er tað einans ein góður triðingur av tí, ið varð talt í Skúvoy fyri einans 20 árum síðani.

Ivan Olsen tekur tískil undir við teimum, sum mæla til at friða lomvigan fyri veiðu.