Burðardygdargjald kann oyðileggja vinnuna við ferðamannaskipum

Tað eru góðar inntøkur í ferðamannaskipum, og Runavík leggur nógv fyri at fáa ferðamannaskip at leggja leiðina framvið Runavík. 

Men nýggja gjaldið, ið Høgni Hoydal, landsstýrismaður, ætlar at leggja á øll ferðafólk, ið koma til landið kann oyðileggja meira enn gott er

- Tað er púra burturvið, at ferðafólk, sum koma til Føroya við ferðamannaskipum, skulu rinda 225 krónur í burðardygdargjaldi, sigur Tórbjørn Jacobsen, borgarstjóri í Runavíkar kommunu.

Tórbjørn Jacobsen heldur, at uppskotið hjá landsstýrinum fer nærum at beina fyri allari vinnu, ið hevur við ferðamannaskip at gera. 

Tað ger borgarstjórin greitt í grein á heimasíðuni hjá Runavíkar kommunu.