Føroyingur í Ísrael: Ótrygt og trist at búgva í Ísrael

Sunnunáttina leyp Iran á Ísrael við dronum og rakettum, men við góðari hjálp frá Jordan, Saudiarabia, Bretlandi og USA eydnaðist Ísrael at skjóta 99 prosent av iranska álopinum niður, so álopið gjørdi ikki so nógv um seg.

"Tað hevur kenst bæði ótrygt og trist at búgva í Ísrael líka síðani yvirgangaatsóknirnar tann 7. oktobur," sigur Katrin Weihe Grosvirt úr Havn, sum hevur búð í Ísrael í yvir 30 ár. 

Síðani yvirgangsatsóknina tann 7. oktobur við familju síni búð á einum gistingarhúsi við Deyðahavið.

Katrin Weihe Grosvirt

Katrin Weihe Grosvirt sigur, at tey vóru ávarað undan iranska álopinum, tí longu leygarmorgunin komu fráboðanir avlýsta skúlagongd og annað, men tó uttan aðrar ítøkiligar upplýsingar:

Samstundis sum ísraelska krígskabinettið aftur í dag fundast um eitt hóskandi afturvar at geva iranska álopinum sunnunáttina, verður arbeitt við at fáa í lag eina samgongu millum Ísrael og fleiri av grannalondunum.

- Hetta skal vera ein friðarsáttmáli ella -samgonga, ið vendir sær ímóti Iran, sigur føroyski sendimaðurin í Ísrael, Áki Johansen.

Ísrael, ísraelski herurin

Ísraelski herurin er alvápnaður og til reiðar at verja sínar borgarar (Mynd: Ritzau / Scanpix)