Professari á odda í Íslandi

1. juni verður forsetaval í Íslandi, og valið tykist at gerast eitt val millum professaran Baldur Þórhallsson og fyrrverandi forsætisráðharran Katrín Jakobsdóttir. 

Tað vísir veljarakanning hjá Morgunblaðnum, sum varð gjørd í døgunum 9 til 14. apríl. 

Um val var í dag hevði Baldur Þórhallsson fingið 25,8 prosent. 

Forsetaval í Íslandi

Kelda: RUV

Tað eru nøkur fá prosentstig fleiri enn Katrín Jakobsdóttir, sum fær 22,1 prosent í kanningini. 

Munurin upp á 3,7 prosentstig er kortini so lítil, at hann er innanfyri óvissuna. 

Fyrrverandi borgarstjóri eisini við

Triðstørstu undirtøku fær Jón Gnarr, sum er fyrrverandi borgarstjóri í Reykjavíki. Hann fær 16,8 prosent í kanningini.

Freistin at stilla upp til forsetavalið í Íslandi er 26. apríl. 

Forsetavalið er 1. juni.