Ráfiskakeyparar: "Óðamannaverk at taka fiskavirkisskipanina av"

Niclas Strauss er bæði nevndarlimur í Føroya ráfiskakeyparafelag og virkisleiðari í Tavuni í Leirvík. 

Hann heldur, at tað er óðamannaverk at taka fiskavirkisskipanina av, tí summar fyritøkur hava størri tørv á Fiskavirkisskipanini enn aðrar.

"Um fiskavirkisskipanin verður tikin av, er vandi fyri, at fyritøkur fara av knóranum," ávarar Niclas Strauss vegna Føroya ráfiskakeyparafelag.

Fiskavirkisskipanin skal aftur á beint

Føroya ráfiskakeyparafelag hevur sent út tíðindaskriv í sambandi við, at felagið hevur haft aðalfund.

Í tíðindaskrivinum ávarar Føroya ráfiskakeyparafelag ímóti at avtaka fiskavirkisskipanina, og mælir til, at fiskavirkisskipanin skal aftur á beint. 

Tað er neyðugt at fáa fiskavirkisskipanina aftur á beint. Aftur til tað, hon upprunaliga var ætlað til: Eina skipan fyri vanligu flakavirkini, skrivar Føroya ráfiskakeyparafelag í tíðindaskrivinum. 

"Fiskavirkisskipan var upprunaliga ætlað vanligum flakavirkjum, har rávørutilgongdin er skiftandi alt eftir, hvussu fiskiskapurin var. Í dag fevnir skipanin eisini um uppisjóvarvirki, kryvijivirkir og fiskamjølvirkir."

Føroya ráfiskakeypararfelag