Herdar ferðslureglur í Danmark: Løgreglan lagt hald á nærum 3.000 bilar

Seinastu trý árini hevur danska politiið lagt hald á nærum 3.000 akfør, sum hava verið brúkt til vitleysa koyring. Tað veit danska kringvarpið at siga frá danska løgmálaráðnum.

Ein breiður meiriluti í Fólkatinginum samtykti í desembur í 2020, at vitleys koyring - tað, sum á donskum kallast “vanvidskørsel” - skuldi revsast harðari.

Millum annað fekk politiið heimild til at leggja hald á akfør á staðnum, um tey blivu brúkt til vitleysa koyring, líkamikið um førarin sjálvur átti bilin ella ikki.

Vitleys koyring fevnir millum annað um koyring við eini alkoholpromillu yvir 2,0, koyring skjótari enn 200 km/t, ella koyring við meira enn tvífaldu loyvdu ferð í einum øki.