Liðið til avgerandi dystirnar ímóti Norðurmakedónia tikið út

Liðið til avgerandi dystirnar ímóti Norðurmakedónia tikið út
Landsliðsveteranar sum Jónas Gunnarsson Djurhuus og Rói Berg Hansen eru ikki við til playoff-dystirnar ímóti Norðurmakedónia, og Bjarni í Selvindi er heldur ikki tikin út
Hvørki Jónas G. Djurhuus ella Rói Berg Hansen eru við í landsliðshópinum
Mynd: Ritzau / Scanpix  
 
19.04.2024 - 10:32

Spælararnir, sum skulu royna at tryggja Føroyum pláss í HM-endaspælinum, eru tiknir út.

Landsliðsveteranar sum Jónas Gunnarsson Djurhuus og Rói Berg Hansen eru ikki við, og Bjarni í Selvindi, sum hevur gjørt vart við seg í norskum hondbólti síðstu tíðina, er heldur ikki tikin út, men er fyrsti eykamaður.

Pauli Jacobsen, sum hevur verið undir skurði fyri skaða í eyganum, er við í hópinum saman við Nicholas Satchwell, og Tórður Skorheim Guttesen úr Kyndli er eykamaður. 

Bert tríggir vengur eru tiknir úr. Janus Dam Djurhuus og Leivur Mortensen manna vinstra vong, meðan Hákun West av Teigum tekur sær av høgra vongi. Tað merkir, at Allan Norðberg úr Vali ikki er við.

Á strikuni eru Teis Horn Rasmussen, Pætur Mikkjalsson og Helgi Hildarson Hoydal, so evnaríki Ísak Vedelsbøl, sum í summar skiftir úr H71 til IK Sävehof, er ikki við hesa ferð.

HM playoff-dystirnir móti Norðurmakedonia verða leiktir mikudagin 8. mai kl. 19.00 í Høllini á Hálsi og sunnudagin 12. mai kl. 18.00 í Boris Trajkowski høllini í Skopje. Tað er útselt til heimadystin í Føroyum.

Samlaði vinnarin yvir báðar dystirnar vinnur plássið til HM-endaspælið í januar 2025.


Føroyski landsliðshópurin:

 

Málverjar

Pauli Jacobsen, HØJ Elite (DEN)

Nicholas Satchwell, Viking TIF (NOR)

Eyka: Tórður Skorheim Guttesen, Kyndil

 

Bakkar

Tróndur Mikkelsen, Kristiansand Topphåndbold (NOR)

Rói Ellefsen á Skipagøtu, IF Hallby HK (SWE)

Pauli Mittún, Team Sydhavsøerne (DEN)

Óli Mittún, IK Sävehof (SWE)

Elias Ellefsen á Skipagøtu, THW Kiel (GER)

Vilhelm Poulsen, Lemvig-Thyborøn, (DEN)

Kjartan Johansen, Bækkelaget, (NOR)

Peter Krogh, Aarhus HC (DEN)

Eyka: Bjarni í Selvindi, Kristiansand Topphåndbold (NOR)

 

Vengur

Janus Dam Djurhuus, FIF Håndbold (DEN)

Leivur Mortensen, FIF Håndbold (DEN)

Hákun West av Teigum, Füchse Berlin, (GER)

 

Strikur

Teis Horn Rasmussen, Aarhus HC (DEN)

Pætur Mikkjalsson, IF Hallby HK (SWE)

Helgi Hildarson Hoydal, Kristiansand Topphåndbold (NOR)

 

Er kopiera
Nýggjastu sendingar í ÚV
Sunnudag 26. mai
Bolero - 26. mai 2024
175611
Sunnudag 26. mai
Guðstænasta úr Glyvra kirkju
175599
Leygardag 25. mai
Jambalaja - 250524
175579
Leygardag 25. mai
Upp á tá
175573
Nýggjastu sendingar í SV
Sunnudag 26. mai
Møti úr Betesda í Klaksvík
175616
Leygardag 25. mai
Veðrið - teknmálstulkað
175571
Leygardag 25. mai
Dagur og vika - teknmálstulkað
175565
Fríggjadag 24. mai
Veðrið
175555