Skulu kanna møguleikan hjá sjófólki at velja talgilt

Landsstýrismaðurin í lógarmálum er biðin um at kanna, hvussu umstøðurnar hjá eitt nú sjófólki at velja kunnu gerast betri.

Meirilutin í rættarnevndini hjá løgtinginum biður um tað. 

Rættarnevndin hevur viðgjørt uppskotið til samtyktar hjá Fólkaflokkinum um møguleikan at atkvøða talgilt.

Í meirilutanum eru allir flokkar uttan Fólkaflokkurin. 

Tey taka undir við, at øll skulu sleppa at velja, eisini tey, sum eru á sjónum ella uttanlands.  

Tey eru tó ikki sannførd um, at júst tann loysnin, sum er í uppskotinum hjá Fólkaflokkinum, er tann rætta, so tey mæla frá at samtykkja uppskotið.