Vestmenningar fáa nýggjan Vesturbúgva

Í dag fáa vestmenningar nýggjan Vesturbúgva.

"Smápartafelagið 2/11-1998" eigur Vesturbúgvan, sum eru keyptur úr Noregi. Hann er bygdur í 2011 og er 43 metrar langur og 12 metrar breiður.

Vesturbúgvin æt Krossøy og er upprunaliga uppsjóvarskip.

Skipið er keypt fyri 54 milliónir kr. 

Dánjal í Skaalum er ein av eigarunum í "Smápartafelagnum frá 2/11-1998":

Vesturbúgvin, trolari

Reiðaríið í Vestmanna eigur framvegis gamla Vesturbúgvan, sum partrolaði við Eysturbúgvan, áðrenn hann sakk. 

Vesturbúgvin og Eysturbúgvin vóru partrolarar, men eftir at Eysturbúgvin sakk á vári 2022, keypti reiðaríið, sum átti Eysturbúgvan, annað skip fyri Eysturbúgvan.

Møguleikar eru hjá nýggja Vesturbúgvanum at partrola við tann gamla, sum reiðaríið framvegis eigur:

Smápartafelagið eigur eisini Skálafoss, helmingin av Fiskivarða og ein fjórðing av Vestmanna Fiskavirki og Vestmenningi. 

Í samband við, at Vesturbúgvin kemur á Vestmanna í kvøld, skipar kommunan fyri móttøku á bryggjuni klokkan 18.