Málið um lánsheimild hjá Húsalánsgrunninum er komið aftur í tingið

Andstøðan mælir framvegis frá at geva Húsalánsgrunninum loyvi til læna fleiri pengar.

Rættarnevndin hevur á øðrum sinni skrivað álit um uppskotið hjá landsstýriskvinnuni í umhvørvismálum, Ingilín D. Strøm, um millum annað at geva Húslánsgrunninum loyvi til at læna fleiri pengar, 350 mió. kr.

Umboðini hjá andstøðuni í rættarnevndini siga seg ikki enn vera sannførd um, at haldførið hjá Bústøðum er í lagi.

Meirilutin í nevndini, samgongufólkini, siga, at nevndin hevur fingið at vita, at langtíðarhaldførið hjá Bústøðum er nøktandi. 

Serliga raksturin og rentukostnaðurin tyngja Bústaðir. 

Tað verður tó arbeitt við at lætta um raksturin, millum annað við at fáa byggikostnaðin so langt niður sum gjørligt, sigur meirilutin í nevndini, sum mælir til at samtykkja uppskotið.